影片
更多
2019-10-07
251 浏览
今次去葵涌廣場（下稱：葵廣）我係特登要去找「熊茶」這間飲品小店因為曾經聽聞老闆好好會幫班學生我決定親身去睇下.如果你有去過葵廣都應該知道裡面係有幾咁「複雜」對於我依啲方向感麻麻嘅人經常係裡面蕩失路真心好難搵個別一間舖我只能表達間舖近葵廣一樓其中一邊電動樓梯.平時我鍾意買一杯兩份 share飲完先再買但見到白髮老闆伯伯專登入咗5箱水寫到明免費俾學生拎於是我特登買2杯一杯荔枝椰果玉露 （$17/ 大杯）另一杯百香果椰果蘆薈益力多.好大杯，飲到我飽晒都唔使繼續「掃街」食其他嘢.臨離開葵廣我又專登行番去（對零方向感嘅我再一次挑戰）再幫老闆伯伯買咗2支水今次去到仲見到老闆娘婆婆同緊幾個學生傾計當我想俾錢嘅時候婆婆可能見我個樣後生（笑）叫我免費拎走兩支水我話唔得，我地已經出黎做緊嘢架啦然後聽到背住我地做緊嘢嘅伯伯同老婆話「你收啦！佢地係支持我架！」可恨我係香港人 — 面冷心熱想講啲咩又唔夠膽講我擺低咗幾十蚊就即刻走咗 ...
我係特登要去找「熊茶」這間飲品小店
因為曾經聽聞老闆好好
會幫班學生
我決定親身去睇下
.
如果你有去過葵廣
都應該知道裡面係有幾咁「複雜」
對於我依啲方向感麻麻嘅人
經常係裡面蕩失路
真心好難搵個別一間舖
我只能表達間舖近葵廣一樓其中一邊電動樓梯
.
平時我鍾意買一杯兩份 share
飲完先再買
但見到白髮老闆伯伯專登入咗5箱水
寫到明免費俾學生拎
於是我特登買2杯
一杯荔枝椰果玉露 （$17/ 大杯）
另一杯百香果椰果蘆薈益力多
.
好大杯，飲到我飽晒都唔使繼續「掃街」食其他嘢
.
臨離開葵廣
我又專登行番去
（對零方向感嘅我再一次挑戰）
再幫老闆伯伯買咗2支水
今次去到仲見到老闆娘婆婆
同緊幾個學生傾計
當我想俾錢嘅時候
婆婆可能見我個樣後生（笑）
叫我免費拎走兩支水
我話唔得，我地已經出黎做緊嘢架啦
然後聽到背住我地做緊嘢嘅伯伯
同老婆話「你收啦！佢地係支持我架！」
可恨我係香港人 — 面冷心熱
想講啲咩又唔夠膽講
我擺低咗幾十蚊就即刻走咗 ...
张贴
