源祖之味古早蛋糕店 (已結業)

早幾日去開樂富約左人食晚飯，點知個fd 話ot要遲d 來，咁好啦大把時間，咪去行下UNY, 點知我竟然見到謙謙最愛的古早蛋糕店，仲要岩岩出爐係我地最愛的雲石紋朱古力味，點喎咁吸引唔買回家唔得啦！但如only 買一口味又唔太夠屋企人食， 最後我都買多件 芝士愛肉鬆，因公公婆婆鍾意。買完仲有時間去 Pacific 嘆返杯咖啡 等朋友來。同朋友食飽飽回家， 謙謙見到我拎住個盒開心到呢！ 自己去拎刀切，但我想講那時已經10點半 ，仲食得落，要瞓覺喎。謙謙真係好鍾意食源祖之味的蛋糕， 咁晏可以自己食兩件先瞓覺。其實我好明白嘅，因為我自己都忍唔住，食左先軟綿綿的香濃朱古力， 又忍唔住食多件肉鬆愛芝士， 肉鬆在上面焗得香口， 而中間d 芝士夠哂多。我第二日焗返熱來食， 芝士仲加溶更加香， 所以古早蛋糕室溫食又得，加熱食又得，好方便。