武士拉麵 (已結業)

原來大大話話自年幾前去完日本後，都一直無食過拉面喇今日收工又攰又餓，happy friday預左度度食飯都多人，好在一個人食，唔洗等得咁犀利呱！想食呢間最好早啲黎啦，事關收十點呀！    嚴重路盲既我，唔熟呢頭，由尖咀行過黎，揾呀揾呀揾，都揾左我成廿分鐘嫁！！企係門囗時，見到有學生優惠呀，學生有半價，真幸福！門外仲有電視播緊真正傳統拉面既製作過程，伴樂係日本古代音樂，真係未食都感受到少少日本風情呀！       餐廳位置只有9位，所以要食就預左要等下喇！夏天天氣真係熱到爆，企係條街度都咪話唔惡頂呀！等左廿分鐘，終於有得入！ 雖然店仔細細，但入面感覺都唔會擠迫，光線充足，冷氣亦足夠，同頭先企街感覺真係天同地比！見到店員都好忙碌咁工作，係咁煮面好努力最後點左個醬油豬骨湯底拉面，好快就有得上台喇！個面聞落都幾香，豬骨湯底拉面配有一塊日式叉燒，肉質都夠鬆化，而且好濃豚肉味！仲有半隻溏心旦，好靚下，而且旦好滑溜軟熟，好温柔咁慢慢送入口不賴！仲有啲好爽口既海帶同兩塊幾香囗既紫菜tim，令成個面望落丰富啲！個樣整體都幾靚靚仔仔哎！豬骨湯底幾濃同杰身亦少少偏咸，因為係醬油味呀，湯頭有著頗濃的豬骨味，飲