喜記避風塘炒辣蟹 (謝斐道)

营业中

休息中

朋友帶我去食呢間餐廳😱，好有驚喜！大排檔風味超濃，坐喺街邊吹住風食，夠晒地道！🤣想食地道港式風味一定要試！💗🦀避風塘炒辣蟹蒜香爆炸！蟹肉鮮甜仲有超多蟹膏，辣度啱啱好🌶️ 個避風塘蒜粒炸到金黃香脆，全部都係蒜粒同香料，唔用面包碎，蟹殼都炸得脆卜卜，會有專人來幫手拆蟹同拍蟹腳，方便食客！🍜蟹油炒麵鑊氣十足！每條麵都索晒蟹油香，麵身夠彈牙，每啖都有蟹油嘅鹹香，邪惡到極🤤🐔招牌燒雞皮脆肉嫩，連雞胸都唔鞋口！咬落仲會爆出汁，雞皮烤到金黃，秘製醬汁好惹味～ 🥰🦐椒鹽瀨尿蝦大隻過手臂！椒鹽香口，蝦殼輕輕一剝就開，蝦肉爽彈到彈出嚟，椒鹽味滲晒入去，好彈牙，必點！😌🐚蒜蓉粉絲蒸蟶子蟶子肥美無沙，肉厚到入口爆汁，粉絲吸盡精華，滑溜溜好入味，蒜蓉份量啱啱好唔會太搶 😚😚食到個肚圓碌碌先舍得走，呢度真係由環境到味道都充滿港式大排檔嘅風味，每樣餸都冇踩雷，夠晒過癮！怪唔知得咁多明星同大博主都來推薦，下次一定要再嚟試埋其他菜式～ 💯🥢