老媽拌麵 (荃灣廣場) (已結業)

行街行到好多舖頭都關門，所以就決定試下呢間台式餐廳。呢度裝修幾骨子，乾淨企理。店員都有禮貎。食物方面，點左一碗清燉紅燒半筋半肉牛腩麵，另一碗係蔥油嫩雞拌麵。蔥油嫩雞拌麵望落好似好普通，好似好清淡咁，但係撈好之後，立即變得好吸引丶入味，而且幾好味。清燉紅燒半筋半肉牛肉麵，就非常之淡，無論係麵丶牛𦟌都無味。好後悔揀左呢個湯麵。呢間舖叫＂老媽拌麵＂，我估最出色應該係拌麵。同埋新張期間有優惠，就係二月優惠有9折。