影片
更多
2014-08-26
1379 浏览
以往經過每一間三洋餐廳, 都幾多人幾爆~ 而飯市時間更係坐無虛設. 原因係:湯飯, 可選二款肉一款菜~ 我揀田雞, 鮮雞件同埋西洋菜, 原本湯飯個魚湯已經好甜, 加埋雙雞西洋菜, 肉同菜都好好食, 如果食得辣~記得叫佢比碟椒絲豉油, 嘩!!!!原來湯飯可以好食到咁. 連湯都飲晒~ (因為佢係湯連餸一大碗+白飯一大碗, 所以超抵食)啫啫豬什煲, 整得又香又夠濃味, 有豬潤粉腸豬肚, D粉腸豬肚夠淋身, 豬潤亦岩岩好, 好食~ 呢間茶餐廳既小炒, 真係好食過好多大排檔.涼瓜班腩, 整得唔錯~OK好味.好多人同我講過三洋餐廳D野幾好食, 經過呢一試, 真係幾好. 3個人食 $200有找~
题外话/补充资料：
以前成日行過都唔入嚟食, 因為我好怕熱, 食湯飯no way~, 而家真係食過番尋味~ 下次繼續湯飯.
湯飯有十幾二十款肉類比你揀, 菜又十款以上, 好多配搭. 小炒又係多到係睇唔晒~正!!! 如果你唔介意比較地踎~ 呢度食野真係正~
(以上食记乃用户个人意见 , 并不代表OpenRice之观点。)
张贴
