最近喺灣仔搵晚飯，偶然行入銅米線，結果食完好滿意。店內主打湯底濃郁、配料認真嘅米線，用銅壺上枱，夠熱又夠氣派，啖啖湯都飲得出雞殼熬製嘅香濃底味。
我點咗招牌花膠滑雞絲米線（$62），雞絲夠嫩，花膠份量唔少，湯頭香甜黏口；朋友試咗豬仔小窩米線（$69），配料超多，有豬大腸、豬肉丸、豬頸肉、豚角煮同糯米午餐肉，一碗滿到溢出嚟。
另外加配咗幾款配菜，包括手工元貝鮮肉餃、飛魚子鮮肉餃，皮薄餡靚，豆卜同樣出色，索汁軟腍又入味。
晚市時段仲有超抵優惠，$25 就包一款 26元以下嘅小食加飲品，試咗淄博脆炸雞翼＋提子梳打同金磚炸豆卜＋蜜瓜梳打，抵食又開心。
最欣賞係服務細心，枱上除咗紙巾，仲有橡皮圈俾長頭髮女生紮起頭髮，食米線都唔怕整污糟，細節位見誠意。
1
