醉胡爐 (已搬遷) 新店位置

今日約左朋友食火鍋 試下呢間 醉胡蘆！因為未試過既關係 所以我地點既野食都係有手指公👍🏻推介果然無令我失望！我地點左清香青麻辣豬手湯底！因為見到出面無見過既青麻辣！所以就試下！味道真係好濃 好香！以為會好辣 但又唔會喎 佢呢種既辣唔持久 又唔會好麻 油都唔多 食唔到好辣都可以試下！係度仲有串燒食！打邊爐之前，叫左碟椒鹽鮮魷，惹味到不得了，炸醬脆身，鮮魷厚身！我地仲點左 🥟黑松露鮮蝦雲吞, 佢重黑松露味 鮮蝦都係新鮮爽口！真係好特別既味道！🥟黑松露蟹肉餃都係重黑松露味,啲餡好有口感！佢呢間既🐂封門柳好新鮮同埋重肉味,係餐單到仲話係罕有品種！所以值得一試！佢既🐂牛脊肉就油脂均勻！好可口！而🦑椒鹽鮮魷 就好香口！香茜牛肉丸可以用酒樓既牛肉球黎比喻！黑松露墨魚丸都有好重黑松露味 彈性較實！到最後呢個鵝腸真係好新鮮 放入去6幾下就已經好爽口！唔會有臭味！環境樓底都算高 每張4人枱都有屏風隔開每張枱！而且唔會吹你走！可以慢慢坐！！所以5分滿分都有4分喇！！