麵鮑‧潮人

今日去左粉嶺聯和墟，第二站去左一間叫做#麵鮑潮人 既餐廳，因為聽聞呢間餐廳開張無幾耐，口碑不俗，住在粉嶺既朋友推介左幾次，地方四四正正，睇左餐牌，好多麵都好吸引，養生人士應該會鐘意。有花膠鮑魚麵，棉花雞麵，佛跳牆麵等等，價錢由 60-130 不等。仲有小籠包，生煎包，仲有滷水鴨舌同雞腎
是次食左小籠包，海皇麵，友人叫左佛跳牆麵同棉花雞麵，小籠包-皮薄肉汁鮮嫩，佛跳牆麵非常濃厚既雞湯麵，花膠夠淋，飽魚夠鮮，麵底適中。海皇麵， 海鮮湯底，鮮甜，大大隻帶子，青口同蝦，食完覺得齒頰留香。棉花雞麵， 都係用濃厚既雞湯底，雞肉嫩滑

所有野都好好，餐廳唯一令我覺得可惜既係佢個名太難記，成日記錯名，唔知有無影響呢

花膠雞麵

佛跳牆麵

海皇麵