影片
更多
2019-04-02
82 浏览
雖然而家只係3月,但有時都熱到好似夏天咁,所以趁住有幾日涼涼地,就即刻約朋友去打邊爐啦,今次我地揀左吞POT,朋友既老公食過話好高質,湯底好飲而且配料好食,未食已經好興奮啦。我地今日都算早黎到,所以未係好多人,咁就可以揀坐邊都得,個環境好舒服而且乾淨,唔似普通火鍋店,反而我覺得似西餐既格局。湯底我地揀左滋補螺片花膠雞煲,一黎到我同我朋友都即刻飲左一碗湯,花膠係又厚又大塊,而且食落口都好軟,唔會咬唔開,真係啖啖肉,好滿足,而雞都令我幾驚喜,因為通常呢啲湯底既雞都會又乾又無味,因為唔預你食,點知呢個湯底啲雞係嫩滑,有雞味,再配埋充滿骨膠原既湯,真係飲下飲下就差唔多飲晒成煲湯,最抵讚係加左湯之後以為會溝淡晒,但竟然食到最後個湯底都仲好濃味。除左飲湯,我地都仲叫左杯青瓜特飲,好大杯,而且好fresh,當食到飽飽滯滯果時又可以飲兩啖,之後就可以繼續作戰啦。配料方面,我地叫左十全大寶丸,手切本地牛頸脊,自創爆芝響鈴,蜂巢豆腐,萵荀片,皇帝菜,十全大寶丸食得出粒粒新鮮,足料,我最鍾意就係黃金海膽黑墨丸同埋芝心牛丸,黃金海膽黑墨丸入面既真係一塊海膽肉而唔係海膽醬,真係好有誠意,芝心牛丸都係入面有大大舊
我地今日都算早黎到,所以未係好多人,咁就可以揀坐邊都得,個環境好舒服而且乾淨,唔似普通火鍋店,反而我覺得似西餐既格局。
湯底我地揀左滋補螺片花膠雞煲,一黎到我同我朋友都即刻飲左一碗湯,花膠係又厚又大塊,而且食落口都好軟,唔會咬唔開,真係啖啖肉,好滿足,而雞都令我幾驚喜,因為通常呢啲湯底既雞都會又乾又無味,因為唔預你食,點知呢個湯底啲雞係嫩滑,有雞味,再配埋充滿骨膠原既湯,真係飲下飲下就差唔多飲晒成煲湯,最抵讚係加左湯之後以為會溝淡晒,但竟然食到最後個湯底都仲好濃味。
除左飲湯,我地都仲叫左杯青瓜特飲,好大杯,而且好fresh,當食到飽飽滯滯果時又可以飲兩啖,之後就可以繼續作戰啦。
配料方面,我地叫左十全大寶丸,手切本地牛頸脊,自創爆芝響鈴,蜂巢豆腐,萵荀片,皇帝菜,十全大寶丸食得出粒粒新鮮,足料,我最鍾意就係黃金海膽黑墨丸同埋芝心牛丸,黃金海膽黑墨丸入面既真係一塊海膽肉而唔係海膽醬,真係好有誠意,芝心牛丸都係入面有大大舊芝士架,
而爆芝響鈴都好好食,芝士味好香濃,而且響鈴都炸到好香脆,夾埋一齊食又估唔到咁夾,手切本地牛頸脊都好好食,牛味好濃,而且佢切得係有厚度,所以係有啲咬口,而且侍應仲會提我地見到變色就食得,所以都唔會煮得太老。
總括黎講呢間邊爐湯底好飲,而配料都好特別,而且食材新鮮,絕對會推薦俾其他朋友再試呀!
张贴
