Fûhn (The L. Square) (已結業)

喺OpenRice度見到呢間越南餐廳長期喺銅鑼灣地區度排名都幾高，今次轉程來試一試先！越南湯粉的質素主要取決於湯底同埋食材嘅新鮮度。呢度主打嘅牛魔王牛肉湯粉，湯底食得出有濃濃嘅牛肉味，應該係落咗唔少牛骨煮咗好耐先至會有咁香嘅味道，係一個好食嘅湯底！湯入邊嘅牛肉配料新鮮，每件都切到細細粒，方便客人食用。而每張枱都放有餐廳嘅特製魚露，客人可以跟着指示放幾滴落湯麵到，令到個湯底鮮味更加提升！除咗牛肉粉之外，我哋都叫咗個鹹蛋炸薯條，但係掛住食唔記得咗影相😅，薯條即炸非常新鮮，鹹蛋味好香濃，質素唔錯，值得加來試吓！ 越南滴漏咖啡，質素中規中矩，係正常嘅味道。而牛油果奶昔，就有濃濃嘅牛油果味，同奶昔嘅味道非常之夾，喺出邊餐廳牛油果嘅飲品都較為少見，嚟到呢度值得試一試呢杯嘢飲！