Mimila (已結業)

今次收工一支公再去哩間正宗馬來西亞餐廳食飯，上次已經食過覺得真係好正，我必定會再食。桔子蜜飲(熱) ($28)，天氣有d凍，最岩飲返d熱飲，甜甜地又潤喉。咖哩喇沙湯-手撕雞摻摻($88)，麵底有兩種，類似米線和上海麵，材料好十足，湯底好濃郁咖哩味，魚片同魚卜吸晒湯汁，食落更惹味，手撕雞亦唔鞋口，抵讚，最後成碗連湯清晒。老巴剎雞翼($58)，平均1x蚊一隻，雖然價錢偏貴少少，但整得好出色，面層炸得香脆，但唔會好油，味道鹹鹹地有d似土匪雞翼。