賴生對兩樣都有興趣，因為有屈小姐係度
我地一去到已經比人話放閃啦
！同埋原來屈小姐真係幾高嫁（仲要今日著左踭添
，賴生梗係全程扶住佢啦！
）
我地7點15左右到拎位，現場已經係一大堆人啦！果時已經要等16張枱
！咁唯有等下啦，反正都未齊人，舖頭入面都預左8張櫈比人入去坐住等，唔駛人企出面吹風嫁！
(不過好快滿啦晒！) 同埋舖頭有明文規定繁忙時間係限時90分鐘！所以應該唔駛等好耐
係等既時候，我地就商量下食咩啦，屈小姐同賴生一早就睇中左芝士牛奶鍋同香蒜牛肉鍋啦，仲決定加碟羊肉片添
！等左大約35分鐘之後，終於有位坐啦 但⋯6人枱黎既？我地7個人喎！雖則最終坐得落，但係好逼😂，放野食都要就住放
同埋佢人手好似唔多夠招呼人... (不過如果你叫到人，佢地都好快手同樂意幫你既)
之後等埋屈小姐班朋友揀完，我地就叫野食啦
，1個set就$108，包1個鍋加1碗飯/粉絲，咁我地就叫左：
1）香蒜牛肉鍋 （4星）& 芝士牛奶鍋 （5星）
- 個香蒜湯底除左香，仲食得出有蒜味，好岩煮肉類既食物！
- 個芝士牛奶湯好白呀！你仲可以見住塊芝士融入湯底，甜得黎帶少少芝士味，比起香蒜既味道更特別！
- 簡單D尼講，芝士牛奶鍋比香蒜更入味，可以唔駛再點醬食，但食肉就用番香蒜鍋好啲，因為唔會遮哂啲肉味！
- D丸類係幾得意，好多款，而我地最鍾意既係貢丸，魚豆腐同麻吉燒！ 貢丸彈牙濃味，魚豆腐比出面既滑，麻吉燒就入面放左年糕，in in un un正！
- 雖然佢用酒精膏點火燒住個鍋等佢熱同滾，但粒膏好快就用完，屈小姐個牛奶鍋仲要等換第2粒先滾到
！搞到原本既肉，香蒜既牛肉同芝士牛奶既豬肉都過左龍！
(建議可以用啲可以燒耐啲既芯，咁就食得暢快啲啦！)
2）羊肉片 $48 （4.5星）
- 呢間舖只係供應3種肉：羊，牛同豬，三種肉入面羊最好食！牛就鞋左d，會縮到好細塊，同埋牛肉味差dd！豬就正正常常，少少鞋(可能煮得太耐)，反而羊肉好滑而且好重羊味!
- 0.5星扣左純粹係⋯CP值問題😂 一碟得7塊，不過都算大塊既😂
3) 滷肉飯 （4.5星）
(+$12轉)
- 碗飯面鋪滿滷肉嫁！d汁仲流晒入飯度，染晒啡色嫁！
- D滷肉應該煮左好耐，逼晒d油出尼，食落唔會覺太肥！同埋佢d滷肉粒切得幾好，唔會碎到好似食肉燥咁，佢整到肉絲既size，有咬口得黎又細細舊易入口
不過糖就好似落得重手左d，甜左少少，但ok既，撈飯食一流！ (連一向怕肥既屈小姐都忍唔住食左好多啖！)
⭐️⭐️屈小姐食法：個芝士牛奶鍋食得七七八八之後，將碗白飯加入個鍋當泡飯食，超甜超好味
（呢啲邪惡野⋯⋯真係屈小姐先諗到）
4）豆瓣醬 vs 沙茶醬 (Free~)
- 沙茶醬就微甜，但沙爹味唔重⋯
- 豆瓣醬就出色啦！少少辣，而且香得黎味濃，點肉食一流！
最後就係！呢間野原來要加一嫁
！頓時CP值下降左！而且，佢全部飲品都係用即棄膠杯，包括水⋯
！唔係咁環保喎！同埋d醬料罐有少少油同黏手 不過我地都食得好滿足！而且可能因為食完九點半左右，無咩人排隊，我地再坐多陣都無趕我地！ 滿足既Gathering!
#賴皮雖可恥但很有用😂
#又識多班屈小姐既朋友啦
#同妳打邊爐好開心
#一直放閃
#互相分享
#喂喂喂⋯⋯隔離枱食野就食野啦⋯⋯望咩喎！
#港女發脾氣之理由3~GOT!
