天浮橋拉麵 (已結業)

今日去左元朗呢間拉麵沾麵店，店舖外部裝修幾靚，入面都好整齊。店員好nice，入座後送上一大桶水同乾淨嘅杯。我要左個海老味噌沾麵，上菜好快，份麵份量對我黎講有d大一大盤沾麵（我要左熱嘅）同一碗濃郁嘅湯頭配上味玉、洋蔥、京蔥、雞腿肉、溏心蛋、紫菜，味道豐富。麵條硬身有嚼勁，配上湯汁啱啱好入口。湯頭濃郁，雞腿肉超滑嫩，吸收曬湯汁嘅精華。溏心蛋切開，熟度啱啱好。一間小店呢個水準真係唔錯，鍾意拉麵沾麵黎元朗玩值得一試！