12點未夠就入到去，唔使等位。叫咗佢嘅「肉愛食者拉麵」，呢個名改得差，呢啲係拙劣嘅中文，不過唔緊要，我係嚟食嘢啫🤣
成個碗鋪滿晒叉燒，加隻糖心蛋，賣相靚靚。飲一啖湯，有豬骨鹹鮮味，估計用豬骨同雞熬成，好味，個湯仲加咗小粒豬肥膏，所以比較香口和滑😋。食片叉燒，切得好薄，有啲豬肉味。開始食麵，用日本人傳統吸啜slurping方法，拉麵連湯帶空氣，相當唔錯，竹筍亦都整得幾好食。
舖頭裝修就似港式茶餐廳，非常道地，配合深水埗👍
如果要批評嘅話，就係麵身切得太短，未啜完一口就冇；同埋員工服務一般態度麻麻。
