常得館米線 (已結業)

#元朗#常得館偶然經過元朗，見到呢間小店與其他港式米線唔同，餐牌寫湯底用新鮮豬骨熬製。麻辣五花腩 + 泡椒肥腸雙拼米線，五花腩炆得好淋，肥瘦相間而唔肥膩。肥腸食得出係新鮮貨，通常比較煙靭，呢間難得夠淋、入味。湯底好飲，老闆娘見我追住飲，主動幫我加湯。我冇特別指定辣度，結果越食越辣，下次應該叫小辣。臨走時有位姐姐order 薯粉，佢話唔鍾意食米線，但係呢度嘅薯粉好食，老闆娘話係湖南鄉下訂造，與坊間扭紋薯粉唔同。可惜我已經食飽咗，唯有下次有機會再試。小食係涼拌皮蛋，皮蛋溏心，蛋白好軟滑，靚貨。埋單$119，稍貴，但真心好食。唔趕時間，坐低慢慢打呢篇食評，聽到食客和老闆娘傾偈，好多食客都讚好味。