辣得棧海鮮火鍋專門店 (已結業)

嚟到黃埔嘅火鍋店打邊爐，呢間店面積都幾大，座位寬敞，有啲卡位有獨立電視睇，幾正😂火鍋醬料有好多揀，我揀咗炸蒜、蒜蓉同埋麻油。竹蔗茅根水好清甜，下火一流，飲晒後食埋啲料😂我同朋友揀咗個2人餐，湯底5揀1，我揀咗個雜菌湯底，送豬骨同埋好多菇，健康唔油膩，飲咗唔少😂個2人餐包好多嘢食，唔係普通野，有冰豆腐、櫻花蝦豬肉丸、芝心牛肉丸呢啲特別嘢，海鮮特別係蜆同生蠔好新鮮，啲肉都係靚料嚟，呢個份量2個人食都好飽！整體嚟講呢間火鍋店啲料都高質，個湯味精唔重、唔會好重口，食完唔會充滿罪疚感。