金色不如帰 (又一城)

营业中

休息中

又一城最好食可能係food court 😂 商場冇乜選擇嘅情況就揀咗呢間未食過嘅拉麵。本身聽過佢嘅風評都係話貴、唔抵食，但又一城真係冇嘢食嘛，咁咪試下。公眾假期晚餐時間都有好多位，店員安排我哋坐4人枱，但有兩張櫈都係濕嘅 ?_? 舖頭唔忙係咪可以細心少少呢😂我叫咗一個貝味醬油拉麵，湯底好油，但味道又唔出色，唔知整咁油做乜。麵偏硬同幼，肉就係得咁多㗎啦，蛋都要加錢。總之個拉麵又貴、份量又唔多，但你話佢係咪難食呢，咁又唔算嘅，普普通通，唔會想食第二次咁囉。