叁樓火鍋 (已結業)

地點位於尖沙咀中心地帶，但位置都幾隱蔽，一開𨋢門就有啲古色古香 。打邊爐多數都揀鴛鴦鍋，今次試沙嗲拼芫荽皮蛋 。我好少揀沙嗲，呢個好少見地落左好多蝦皮，食落濃郁之餘仲有陣咸香 ，芫荽皮蛋重茜味，兩款湯底都出色 。單骨雞翼餐前小食，炸得好香脆 。水餃入面包左好大隻蝦，皮薄餡靚，將韭菜餃比下去 。丸類正常，墨魚丸出色啲 。安格斯牛拼伊比利豬牛肉肉嫩，輕輕灼幾秒就OK 。響鈴即炸架！浸落湯到仲有滋～嘅聲，口感好脆 。烏冬呢個湯底係絕對要叫個烏冬，超吸湯 。菜盤有油麥菜、生菜、皇帝菜同蕃茄，用芫荽湯底煮可以吸曬啲湯 。打邊爐有個好嘅湯底，真係有加乘效果 。