元朗花甲粉 (已結業)

呢間花甲粉自從搬咗大鋪之後，嚟多咗幾次。因為之前得外賣太唔方便了。每次嚟都叫花甲粉，佢個湯底其實係幾好味的，好入味，不過食耐咗就有少少鹹。另外值得一讚嘅就係，花甲粉真係好足料，好多娃娃菜金菇，一碗真係食唔晒😂另外我覺得好好嘅係，芫荽同埋蔥，蒜，可以自己落，鍾意食嘅人可以落好多都得👍🏼花甲數量其實都算多，平均一碗都有10隻左右，不過有時有一兩隻就唔開，但係60幾蚊呢個價錢食一碗咁足料嘅粉。算係唔錯㗎啦。