金鶴拉麵 (利民大廈) (已結業)

未去到日本，喺香港食住拉麵先。金鶴拉麵我哋有時都會幫襯，依家開咗旺角分店就更加方便。佢有唔同嘅期間限定湯底，最近係極濃龍蝦湯，仲可以要隻龍蝦尾！我就試咗佢呢個湯，湯底比較杰身，每一條拉麵都沾到湯，味道濃郁鮮味，非常推介！呢度嘅糖心蛋好好食，撈埋龍蝦湯更加正。朋友食咗黑蒜醬油拉麵，佢話蒜味都幾突出，配埋雞肉同叉燒，豐富又好味！我鍾意呢度嘅拉麵質地，軟硬適中。呢度小食選擇都多，我哋點咗照燒免治雞肉，$48有兩串，性價比都唔錯。