Rakuraku 樂拉麵 (利東街)

营业中

休息中

又再一次喺灣仔揾拉麵食。本來唔係想黎呢間嘅，但係經過個陣 c 覺得個餐牌都幾吸引所以決定一試。佢價錢唔算貴，選擇都ok.我今次都係叫左佢個招牌豚骨湯底嘅拉麵，c 就叫左櫻花蝦湯底。個豚骨湯底都幾好味，不過我飲下飲下就覺得有少少味精味 (而之後都有啲頸渴，所以估計應該真係落左少少味精)。個櫻花蝦湯底都還好，但係鹹左少少。豚骨湯底略勝。個麵底係博多拉麵，即係幼麵。雖然揀左硬麵，但係都唔夠彈牙。個肉幾好，少肥多瘦。粒蛋係流心嘅，尚算入味。個麵上面有兩片炸蓮藕，炸得好香口，為個麵加多一份口感。