影片
更多
2018-12-09
130 浏览
大埔依條街好多野食，今次揀食拉麵。入到去先知原來有好多食物種類揀，唔係得拉麵！同朋友叫左兩碗麵，再試下佢既玉子燒😋店內環境都舒服似日本拉麵店，可惜冇勾掛袋，有啲狼狽😂一鳴拉麵湯底正常，配料算幾多，又可以選擇太麵~而個麵呢亦都夠咬口，煮得啱啱好，掛住d湯襯熱食，可能太肚餓，完全係一啖接一啖食，結果係15分鐘入面清晒成碗麵。可惜叉燒比較普通，大致上冇乜特色。隻蛋冇乜甜味，比較一般下次再試佢其他湯底！地獄湯拉麵呢碗拉麵一上枱嘅時候已經聞到好香嘅辣味同埋蝦味，即時流晒口水。食麵之前試左一啖湯，辣得嚟又有蝦嘅鮮甜，越飲越想飲！只於d叉燒呢就好似出面食到果d咁，不過食落肉味更濃，就算浸左係湯入面好耐，佢嘅肉味仲係好突出，無可能俾其他嘢遮到。但係隻蛋就有少少失望，雖然生熟程度啱啱好，但係蛋黃嘅鮮甜就有少少俾湯底蓋過咁。建議食左隻蛋先食碗麵或者試個湯底，如果唔係就有可能好似我咁miss左隻蛋嘅美味🙈蟹肉玉子燒賣相好吸引，蛋甜甜地，幾香口，難得真係用蟹肉而唔係蟹柳，加分！芝士可以再多啲，口感會更好🤗整體係幾唔錯的，而且有好多選擇，唔會只係得拉麵，可以滿足好多要求！
入到去先知原來有好多食物種類揀，唔係得拉麵！同朋友叫左兩碗麵，再試下佢既玉子燒😋店內環境都舒服似日本拉麵店，可惜冇勾掛袋，有啲狼狽😂
一鳴拉麵
湯底正常，配料算幾多，又可以選擇太麵~而個麵呢亦都夠咬口，煮得啱啱好，掛住d湯襯熱食，可能太肚餓，完全係一啖接一啖食，結果係15分鐘入面清晒成碗麵。可惜叉燒比較普通，大致上冇乜特色。隻蛋冇乜甜味，比較一般下次再試佢其他湯底！
地獄湯拉麵
呢碗拉麵一上枱嘅時候已經聞到好香嘅辣味同埋蝦味，即時流晒口水。食麵之前試左一啖湯，辣得嚟又有蝦嘅鮮甜，越飲越想飲！只於d叉燒呢就好似出面食到果d咁，不過食落肉味更濃，就算浸左係湯入面好耐，佢嘅肉味仲係好突出，無可能俾其他嘢遮到。但係隻蛋就有少少失望，雖然生熟程度啱啱好，但係蛋黃嘅鮮甜就有少少俾湯底蓋過咁。建議食左隻蛋先食碗麵或者試個湯底，如果唔係就有可能好似我咁miss左隻蛋嘅美味🙈
蟹肉玉子燒
賣相好吸引，蛋甜甜地，幾香口，難得真係用蟹肉而唔係蟹柳，加分！芝士可以再多啲，口感會更好🤗
整體係幾唔錯的，而且有好多選擇，唔會只係得拉麵，可以滿足好多要求！
张贴
