酸辣格格 (已結業)

呢間餐廳新開，成日都好多人排隊。我較啱下午茶時間嚟，雖然唔駛排隊，但成個場都好Full。叫咗個下午茶米線，牛肚+牛栢葉+小麵﹐少辣。個員工話呢度嘅小麵即係幼麵，咁就叫嚟試吓啦。平時我都會嗌少麵(份量)，多數食唔晒嘅，但今次居然食得晒，小麵其實類似上海麵類嘅幼板。我估係個湯底夠味，所以啲麵都好味。不過個牛肚好咸吓，下次再去就應該唔會再嗌呢個，牛栢葉就好爽，但要浸吓湯先食。