鳴虎 (馬頭圍道) (已結業)

餐廳：鳴虎 (馬頭圍道) (土瓜灣)地址：土瓜灣馬頭圍道63號啟岸地下6-9號舖1️⃣ 鳴虎．日本魚乾豬骨湯拉麵 $88湯底同麵質都可以自選濃度同軟硬度，兩款都選擇咗濃湯。湯底用上四種鮮魚乾加上豬骨湯底熬製而成，入口濃而不膩，魚香味道突出，配上兩片叉燒同完隻糖心蛋，叉燒肥瘦均勻，夠曬厚身，糖心蛋蛋香味道濃郁，非常滑溜。2️⃣ 鳴海老．蝦味噌豬骨湯拉麵 $88湯底加入咗北海道鮮蝦，配合鹹中帶甜嘅味噌豬骨湯，表面再灑上櫻花蝦粉，蝦味超重，十分吸引。拉麵同樣配以兩片叉燒同糖心蛋，整體味道都真係唔錯。