影片
更多
2021-04-03
172 浏览
雖然已經踏入 4 月，但係天氣仍然乍暖還寒，趁住仲未正式進入夏天， 加上一連幾日公眾假期，一於把握時機，去吃頓火鍋。今次揀咗銅鑼灣渣甸中心 25 樓一間取名「阿來客棧」嘅新開火鍋店，餐廳主打重慶雞煲，可以先吃雞後打邊爐，另外亦其他火鍋湯底可供選擇。我哋揀咗個花膠瑤柱雞做湯底，餐廳而家做緊 Promotion，為咗慶祝新張開業，客人點雞煲或湯底可享半價優惠，半隻雞都只係 $84，非常抵食。另外芥醬方面，收費亦非常經濟，每位只需 $10。先試下個花膠瑤柱雞湯，湯色呈金黃，味道帶甜，內有半隻雞、瑤柱、杞子同大大件花膠，用料好足。雞肉十分嫩滑、瑤柱滋補養陰、花膠富彈性。至於火鍋配料方面，貴精不貴多，只係點咗幾款，包括有：特級手切肥牛、鮮蝦雲吞、韮菜餃、麵食同萵筍，另外再加咗個小食鬼馬墨魚脆。鬼馬墨魚脆 ($48)，淨係聽個名都已經夠晒盞鬼，油條中間釀入了墨魚膠，咬下外香脆、內彈牙，吃時可沾少許甜酸醬，口感會更佳。打邊爐當然唔少得肥牛，呢碟特級手切肥牛 ($198/半份) 真心唔錯，不但油花漂亮，而且牛味極濃，只需在湯中輕涮至稍稍變色即可，入口嫩滑軟腍，值得推薦。即包鮮蝦雲吞 ($36/半
今次揀咗銅鑼灣渣甸中心 25 樓一間取名「阿來客棧」嘅新開火鍋店，餐廳主打重慶雞煲，可以先吃雞後打邊爐，另外亦其他火鍋湯底可供選擇。
我哋揀咗個花膠瑤柱雞做湯底，餐廳而家做緊 Promotion，為咗慶祝新張開業，客人點雞煲或湯底可享半價優惠，半隻雞都只係 $84，非常抵食。
另外芥醬方面，收費亦非常經濟，每位只需 $10。
先試下個花膠瑤柱雞湯，湯色呈金黃，味道帶甜，內有半隻雞、瑤柱、杞子同大大件花膠，用料好足。雞肉十分嫩滑、瑤柱滋補養陰、花膠富彈性。
至於火鍋配料方面，貴精不貴多，只係點咗幾款，包括有：特級手切肥牛、鮮蝦雲吞、韮菜餃、麵食同萵筍，另外再加咗個小食鬼馬墨魚脆。
鬼馬墨魚脆 ($48)，淨係聽個名都已經夠晒盞鬼，油條中間釀入了墨魚膠，咬下外香脆、內彈牙，吃時可沾少許甜酸醬，口感會更佳。
打邊爐當然唔少得肥牛，呢碟特級手切肥牛 ($198/半份) 真心唔錯，不但油花漂亮，而且牛味極濃，只需在湯中輕涮至稍稍變色即可，入口嫩滑軟腍，值得推薦。
即包鮮蝦雲吞 ($36/半份)、即包韮菜餃 ($30/半份)，兩款都包得好大隻，十分足料，而且外皮好薄，雲吞真係食到有原隻蝦係裡面，爽口彈牙。韮菜餃亦唔輸蝕，入面嘅韮菜十分豐滿，食得出用料新鮮，好重韮菜味。
麵食揀咗四川薯粉 ($16/半份)，薯粉外表晶瑩剔透，食落有彈性，就算煮耐咗都唔會好容易斷開。
最後食埋個萵筍 ($16/半份)，碟萵筍好新鮮，口感爽脆，幼嫩又無渣，打完邊爐食返啲菜蔬，好正。
张贴
