影片
更多
2022-05-05
76 浏览
依間收埋喺我必食嘅名單有一段時間，成日見人哋打卡咁靚都好想去去試，而家晚市堂食一開返即刻book位先成間火鍋店都係粉紅色做主題，門口仲有嗰啲粉紅色熊仔方便大家影相打卡門口排開有十幾種調味料可以自由選擇，而前菜生果各有四種四款前菜惹味開胃，打完邊爐之後仲有生果可以消化下，不錯飲品每位$25可以任添，紅茶酸酸地幾醒胃，竹蔗茅根清熱襯打邊爐一流，同埋侍應添加都好快好，飲完一杯又一杯我哋今次揀咗鴛鴦鍋，主打係招牌膠原蛋白養顏美容湯 （$128）同埋蕃茄湯 （$58），個美容湯真係不得了，以我所知係用瑤柱、雞肉、 豬骨及豬腳等等淆成湯底，真係啖啖都係骨膠原，湯底亦都濃郁，正😄蕃茄湯都啖啖茄味濃郁，越食越開胃火鍋配料分別以下：炸響鈴半份（$29）係佢哋自家制嘅，大大條，見到枱枱都一定叫一份，果然冇令人失望，香脆好味，索埋啲湯一齊食真係好正丸子盛合盤（$98）有齊幾種自家制手工丸，最特別係軟骨爽肉丸，爽口彈牙，好味😋自製魚豆腐半份 （$39）魚嘅形狀感覺得意，食落都幾好脆炸午餐肉半份 （$29），全部都係炸好咗嘅午 餐肉，將去放落個火鍋度一陣仍然維持到外脆內軟腐竹條 （$19）雖然得半份單係勁大兜
成間火鍋店都係粉紅色做主題，門口仲有嗰啲粉紅色熊仔方便大家影相打卡
門口排開有十幾種調味料可以自由選擇，而前菜生果各有四種
四款前菜惹味開胃，打完邊爐之後仲有生果可以消化下，不錯
飲品每位$25可以任添，紅茶酸酸地幾醒胃，竹蔗茅根清熱襯打邊爐一流，同埋侍應添加都好快好，飲完一杯又一杯
我哋今次揀咗鴛鴦鍋，主打係招牌膠原蛋白養顏美容湯 （$128）同埋蕃茄湯 （$58），個美容湯真係不得了，以我所知係用瑤柱、雞肉、 豬骨及豬腳等等淆成湯底，真係啖啖都係骨膠原，湯底亦都濃郁，正😄
蕃茄湯都啖啖茄味濃郁，越食越開胃
火鍋配料分別以下：
炸響鈴半份（$29）係佢哋自家制嘅，大大條，見到枱枱都一定叫一份，果然冇令人失望，香脆好味，索埋啲湯一齊食真係好正
丸子盛合盤（$98）有齊幾種自家制手工丸，最特別係軟骨爽肉丸，爽口彈牙，好味😋
自製魚豆腐半份 （$39）魚嘅形狀感覺得意，食落都幾好
脆炸午餐肉半份 （$29），全部都係炸好咗嘅午 餐肉，將去放落個火鍋度一陣仍然維持到外脆內軟
腐竹條 （$19）雖然得半份單係勁大兜，抵食
西班牙黑豚香肩肉 （$64）
豬肉新鮮唔鞋口
精選牛肉拼盤 （$288）
拼盤有好多唔同種類嘅牛肉，每款都好有牛味、肉地都唔騷、每種唔同嘅部位都可以試吓，正☺️
特別鍾意呢個牛柳粒，脂肪平均，一咬落去牛味濃郁，好快已經ko哂
最後送咗個柚子沙冰俾我哋，雖然係免費但係都唔求其，酸酸甜甜消化一流
兩個人食依個價錢絕對唔過份，每一樣嘢都有水準，下次再嚟試下其他湯底同配料先
张贴
