養心殿台式養生鍋 (已搬遷) 新店位置

星期五即興打邊邊，四周圍都冇位。唯有打去養心殿問下，得佢8點有位期他間間都要9:30後。可能養心殿9,.30後有7折所以正價時段仲有位。不過去到都要等一陣先有得入座。一坐底就即刻叫左酸菜白肉鍋拼麻辣鍋(中辣)。再加碟手切肥牛(細)，鮮滑鴨片，豬粉腸，韭菜餃，水蓮餃，墨魚滑同埋打卡送既咸檸七。湯底真係好好味，酸菜夠酸，中辣又夠晒辣。手切肥牛都好食，好新鮮又唔un $238(細)。鴨片就完全唔得囉，好鞋勁難食成$88碟就咁浪費左。豬粉腸$68碟，洗得好乾淨冇怪味。韭菜拼水蓮餃各$42半份冇乜特別。咸檸七冇乜氣唔好飲。