影片
更多
2017-03-05
1879 浏览
唔知點解, 約親呢個朋友, 唔係去放題就係打邊爐, 唔講真係以為我地兩個女仔都勁大食...呢一日Lunch食太飽, 唔係太有胃口, 但係book左又唔想臨時搵其他地方, 照去挑戰!我地都係準時收工既朋友仔, 約食飯都會約早少少避過人潮高峰, 又可以平返少少, book左6點半, 店內都只係得2, 3檯客, 我地被安排坐窗口卡位, 靜靜地都幾正~ 我食牛一向中意叫壽喜燒湯底, 不過見呢度都幾多特別的選擇, 就一於加錢要多個宙良野3.7牛乳牛骨湯底~講真, 未食呢一餐之前, 真係想像唔到牛奶打邊爐係咩味....................火鍋配料方面都比我想像中多喎!豬牛雞海鮮樣樣齊, 蔬菜種類都非常多, 如果想食刺身仲可以另外加錢~tick左一輪就見到湯底已經準備好喇~個牛奶湯底煮左一陣就浮起一層層薄膜, 睇落好杰, 聞落都好香!!!後來一食就覺得壽喜燒湯底完全被比下去, 牛乳牛骨湯底真心正, 味道濃郁, 沾肉和菜都好match!!必試!蔬菜類最快有得食, 當時覺得蔬菜配給得有點少, 如果可以自取就更好~ 後來出去拎醬汁就發現原來外面真係有一盤盤前菜+火鍋配料可以自取!醬汁corn
呢一日Lunch食太飽, 唔係太有胃口, 但係book左又唔想臨時搵其他地方, 照去挑戰!
我地都係準時收工既朋友仔, 約食飯都會約早少少避過人潮高峰, 又可以平返少少, book左6點半, 店內都只係得2, 3檯客, 我地被安排坐窗口卡位, 靜靜地都幾正~
我食牛一向中意叫壽喜燒湯底, 不過見呢度都幾多特別的選擇, 就一於加錢要多個宙良野3.7牛乳牛骨湯底~講真, 未食呢一餐之前, 真係想像唔到牛奶打邊爐係咩味....................
火鍋配料方面都比我想像中多喎!豬牛雞海鮮樣樣齊, 蔬菜種類都非常多, 如果想食刺身仲可以另外加錢~
tick左一輪就見到湯底已經準備好喇~
個牛奶湯底煮左一陣就浮起一層層薄膜, 睇落好杰, 聞落都好香!!!後來一食就覺得壽喜燒湯底完全被比下去, 牛乳牛骨湯底真心正, 味道濃郁, 沾肉和菜都好match!!必試!
蔬菜類最快有得食, 當時覺得蔬菜配給得有點少, 如果可以自取就更好~ 後來出去拎醬汁就發現原來外面真係有一盤盤前菜+火鍋配料可以自取!
醬汁corner我覺得幾齊全抵讚, 仲可以自己拎雞蛋沾醬, 飲品方面都好有驚喜, 款式好多足足有3個大櫃, 竟然仲見到難得一見的碧泉檸檬茶!!!!
出去無幾耐就有刺身上桌, 比想像中新鮮同埋厚切, presentation都算係有heart。
今次呢一餐唔係點左好多食物, 兩條友仔怕眼闊肚窄唔敢狂叫, 正所謂食得晒先好嗌~
牛肉我地就前後試左兩款, 無記錯左邊係第一round的牛肩胛肉片, 右邊係第2round的美國肥進口牛,前者好重牛味, 亦無想像中韌; 後者脂肪太多.......
送到黎時我地都嘩左一聲, 好欣賞佢地咁有心機擺盤, 但同時會寧願佢地唔使擺得太靚, 想早少少食到..........畢竟放題有限時嘛。
其他配料都好有心機按照我地落單的分量擺成一層層, 值得一讚既係下面粉紅色的牛舌!平時韓燒必食, 用黎打邊爐真係第一次, 而且係非常爽口好食! 後來都有Encore多一次~~~
overall我地都覺得食物選擇多, 味道都唔錯,
服務人員都幾用心, 不過樓面人手好似唔多夠,
7點半左右開始full house, 食物就明顯出得好慢~~~
下次戰鬥力強既時候再黎食過啦!
题外话/补充资料：
食到中段本身想encore刺身, 但唔覺意見到處理刺身的工作人員不停咳嗽...............個人認為員工的衛生意識極需要加強!
(以上食记乃用户个人意见 , 并不代表OpenRice之观点。)
张贴
