安記士多

嚴格來說這不是食評，只是記錄番昨天的遭遇。
行麥理浩徑第二段，呢度係必經的補給站。兩點幾行到來，是坐無虛設，民安隊、游完水的鬼佬同一眾行山人士都有。因為人多，侍應是招呼不暇，落單也要自己動手，爭在唔使自己執檯。
眼見炒飯及星州炒米仍然出色，不過大家吃了自備的生果已半飽，所以只叫左幾杯凍飲，分別是紅豆冰、檸樂同涼茶，不過就等左好耐都無出，三催四請也是如此，最後唯有不要；反而另有朋友叫的炒飯卻遲來先上岸，似乎來這裡食野，係一定要叫佢地落單至有機會有得食，要留意。