影片
更多
2024-03-10
2120 浏览
呢間串燒專門店 款式多味道好價錢仲唔貴添~ 佢最特別嘅係串燒風味涵蓋港、泰、日、川、西、台、新疆等唔同類型，緊有一款hit 中你嘅味蕾。挑選咗幾款覺得特別出色嘅款式：焦糖鰻魚芝士玉子燒🐣好食！一啖包含鮮美鰻魚，流心芝士，香滑玉子，面頭仲有焦糖脆脆，真係好睇又好食鹽燒原塊雞皮 - 同平時一粒粒桔落個串串度嗰款唔同，呢度嘅雞皮係成塊拆出嚟坦直曬咁燒 （講廢話 hahaha)，燒到乾身加鹽調味就食得。食落鹹香卜卜脆一啲都唔油膩，真係好似食緊薯片咁🤯口感一流，同啤酒簡直不能再夾🍻！欣賞雞皮嘅朋友仔仲可以試埋佢哋嘅雞皮包蝦滑同雞皮包墨魚滑，一樣咁邪惡而又更加添鮮美，又脆又彈滑嘅口感充滿新鮮感手釣墨魚鬚爽口夾嫩，完美表現墨魚嘅鮮美；牛舌唔會柴同靭，多汁而且帶嚼勁焦糖青蘋果鵝肝多士 - 鵝肝表層微焦油香十足入口即溶，配合酸甜嘅焦糖青蘋果，加埋墊底嘅多士香脆嘅口感三重嘅滋味令食感更加豐富~呢款相對其他食物單價會較貴少少🪿但鵝肝本來單價就比價高，而且出品係好食得嚟份量好足，個人覺得係好值得蟹膏燒飯團，我想講呢個嘅外觀係真係有啲核突嘅🫣 但蟹膏份量勁多再加埋燒得外香脆內軟糯嘅飯團，添加埋紫菜鹹香，一整個鮮
焦糖鰻魚芝士玉子燒🐣好食！一啖包含鮮美鰻魚，流心芝士，香滑玉子，面頭仲有焦糖脆脆，真係好睇又好食
鹽燒原塊雞皮 - 同平時一粒粒桔落個串串度嗰款唔同，呢度嘅雞皮係成塊拆出嚟坦直曬咁燒 （講廢話 hahaha)，燒到乾身加鹽調味就食得。食落鹹香卜卜脆一啲都唔油膩，真係好似食緊薯片咁🤯口感一流，同啤酒簡直不能再夾🍻！
欣賞雞皮嘅朋友仔仲可以試埋佢哋嘅雞皮包蝦滑同雞皮包墨魚滑，一樣咁邪惡而又更加添鮮美，又脆又彈滑嘅口感充滿新鮮感手釣墨魚鬚爽口夾嫩，完美表現墨魚嘅鮮美；
牛舌唔會柴同靭，多汁而且帶嚼勁
焦糖青蘋果鵝肝多士 - 鵝肝表層微焦油香十足入口即溶，配合酸甜嘅焦糖青蘋果，加埋墊底嘅多士香脆嘅口感三重嘅滋味令食感更加豐富~呢款相對其他食物單價會較貴少少🪿但鵝肝本來單價就比價高，而且出品係好食得嚟份量好足，個人覺得係好值得
蟹膏燒飯團，我想講呢個嘅外觀係真係有啲核突嘅🫣 但蟹膏份量勁多再加埋燒得外香脆內軟糯嘅飯團，添加埋紫菜鹹香，一整個鮮甜惹味，令人忘記佢醜醜嘅內表專心欣賞佢嘅內在美
港式口味嘅牛油蒜蓉焗金菇同川式嘅孜然燒蒜蓉茄子，
係平時唔鍾意食蔬菜嘅大朋友仔們補充返嘅好機會 （食菜健康呀！），
佢哋整出嚟嘅效果唔會太鹹同埋油冧冧，不錯吃~
款式太多，不能盡錄~ 戰力有限，擇日再戰~ 食物方面完全係大滿足😋 生啤仲係買一送一哦！唯一係食得有少少趕（限時兩小時） 同埋服務爭啲（太多單掛）
张贴
