港 (已結業)

餐廳係小巷既角落，黑白色既店面可能有d唔起眼。入面裝修同樣地以黑白色爲主，燈光昏暗，感覺好型格好chill。Menu封面加入左九龍皇帝既元素，非常港式。LENNON FRIES一開始見到連儂薯條仲以爲係同最近既政治事件有關，點知原來個名已經早係1-2年前改好，係個巧合黎。我地亦因爲呢個名而點左佢，薯條係幼薯黎，即炸既薯條係一定好食既，加埋蜜糖芥末醬，鰹魚乾同溫泉蛋，感覺好日式。KONG Fried Chicken雞塊感覺似焗既，入面肉質嫩滑。重點在於個醬係有d似咸檸7咁，不過係淡淡地既，唔會搶左雞本身既味道之餘，食完感覺亦都無咁膩。Shelter Crab Cheesy Cheung Fun第一次食腸粉當晚餐，但又比佢整得幾好。腸粉上面放咗好多蟹肉，加埋濃郁既芝士醬同蟹籽，食落滑得黎又有d口感，幾樣野加埋一齊又意想不到幾夾。 Yeung Jee Gum Lo外表同味道都好似楊枝甘露，飲落都非常順口，酒既味道唔重。