時新漢堡飽 (已結業)

同「閏蜜」出街，成日都去cafe好悶，經過見到時新漢堡，個名就聽過喇，以前好多喺紅磡返學嘅friend都話好食，既然係咁，一於試下。由於係下午茶時間，我地就叫下午茶餐，一個五香肉丁麵加一個芝士漢堡餐，芝士漢堡要左原裝果個汁，一食落去，好好味，酸甜適中帶清新果香，唔會搶左漢堡排嘅味，薯條新鮮炸好，熱辣辣，亦好夠「薯」，至於五香肉丁麵，就係一般嘅丁麵，但佢個湯唔係淡矛矛果種湯，仲會加埋幾條菜俾你。仲有個滷水雞脾，唔會煮過籠啲肉好散，剛剛好，肉嫩又入味，正！最後，奶茶還好，不過不是最出色的。整體黎講，幾有驚喜，認真製作，本土味我會俾7.5/10分😋