吃扒 (已結業)

呢間餐廳🍽️嘅名十分之簡單直接，就係「吃扒」🥩，而且係港式🇭🇰懷舊風格嘅鐵板扒，所以入面嘅裝修佈置都充滿😆懷舊風味。所有鐵板扒都可以加💰$25轉為套餐，包懷舊🥖餐包、🥣餐湯、🥤飲品同埋甜品🍨，餐湯仲有羅宋湯或者豬骨湯🥣可以揀，十足以前港式🇭🇰扒房嘅配搭。/有選擇困難嘅朋友😂揀雜扒就啱晒，佢哋嘅吃扒什扒配薯菜入面有🐟魚柳、🍳煎蛋、🐖豬扒、🐂牛扒、🐓雞扒、🥓煙肉同埋司華力腸，層層堆疊🤩十分之有睇頭！🔥熱熔芝士🧀紐西蘭牛柳配薯菜係用🥃烈酒加火去🔥燒溶啲芝士🧀再淋上去，香氣撲鼻十分芝味，🇳🇿紐西蘭牛柳有 10oz，🥩份量足又嫩滑，啲薯條🍟配埋熱熔芝士一齊食超正🤤！最後😍甜品係雪糕🍨，細細杯啱啱好，😋滿足感十足。