十字冰室 (禮頓道)

营业中

休息中

係銅鑼灣做完嘢，時間差不多10點，同行朋友話肚餓，我哋就四圍睇下有咩好野食，同一條街都有唔少美食店，而呢一間唔算大嘅冰室坐滿左客人，同行友人亦都話佢試過呢間冰室，味道唔錯，所以我地就決定係呢間店醫肚！我哋睇左餐牌一陣，決定叫一個皇牌餐蕃茄牛尾湯通粉配黑松露炒蛋加牛油方包同一個常餐豬骨意粉配香煎豬扒牛奶炒蛋同牛油方包。呢度嘅套餐中午11點就可以叫，價錢係銅鑼灣算公道。蕃茄牛尾通好快就到，蕃茄濃湯偏酸，有蕃茄蓉係湯入面，通粉入面充滿左湯汁，好食～個炒蛋都好軟滑分量亦夠，牛油方包牛油夠多但唔大，味道正，會有下次！