敏華冰廳 (已結業)

有時唔太肚餓，少少地食個常餐岩岩好夠飽，除左眾所皆知嘅茶記之外，其實文華冰廳都係一個唔錯嘅選擇。九龍灣都新開咗一間分店，但次次去都大排長龍，反而西環呢間位置比較偏僻，所以人唔算多，一黎到就有位食物款式多，價錢合理，常餐亦有幾款選擇多士炒蛋係常餐必點嘅配搭，炒蛋雖然唔算好滑，但無咁重牛油嘅油膩，所以食得出有好濃蛋香餐牌上有註明係太興叉燒，先知原來都係太興集團，不過比佢平啲。湯底似忌廉雞湯嘅味，除左通粉，原來同米粉都幾夾同桌就點左湯意，麵質煮得岩岩好，唔會太淋，亦好入味除左常餐，碟頭飯都同樣出色，大碟夾抵食！兩個人埋單唔洗$100，算抵！