時新快餐店 (已結業)

慕名來時新碰碰運氣，聽說漢堡包頗具特色。同老公叫左芝蛋漢堡同芝士漢堡，再加雞脾雞翼。漢堡塊包鬆軟可口（鐘意d芝麻），平時容易唔多鍾意食漢堡朳（尤其係m記果種）的我竟然覺得塊朳好香好美味，再加上秘制沙律醬同芝士真係驚喜。個人覺得加唔加蛋分別未必好大。雞翼冇乜特別，但隻脾真是不容錯過，外面好脆，咬落去竟然有肉汁。唔知點解諗番起細個媽咪半煎半炸雞脾比我地姊兄食嘅回憶。我同老公鍾意食T字頭三個O同B字頭三個字母的漢堡。我們都覺得時新塊漢堡朳正!如果食舒適環境極佳服務，相信你去錯地方。但要食到香港風味，出色的茶餐廳野食，時新係好好嘅選擇。