薈亞廚房 (已結業)

食完一個唔飽嘅自助餐，行一陣街，黎左呢度食下午茶，貪佢闊落啲方便bb坐。叫左幾個下午茶餐，但都係叫埋同一樣野，其他啲好似唔多吸引。星洲喇沙雞肉湯米粉 $44賣相一般，有半隻蛋，魚片，豆卜同雞肉，聞到有喇沙香，但食落湯底較淡，份量ok。凍飲要加三蚊，但龍眼冰唔使，甜甜地無乜特別。另叫了一杯雜莓乳酪特飲 $35，賣相幾靚，但果汁聚底，乳酪則浮面，攪渾左一陣又回服完狀。味道酸酸甜甜，幾好飲，但支管太幼，啲穀物片吸唔到上黎。好坐，但食物一般，有點少貴。