影片
更多
2020-01-06
338 浏览
依晚出旺角行街，行行下經過砵蘭街聞到好香，原來有間串燒舖，見到有唔少人食緊。舖出面個二拉架show出嚟啲串燒都幾吸引，又唔貴，見都晚飯時間喇，就一於試下啦🤤。餐牌食物多到一個點，串燒種類有海鮮、豬牛雞羊、蔬菜、丸類、燒魚等，另外仲有川式麻辣系列同主食添。花多眼亂，有幾款其實好想試(例如鵝肝多士同燒土豆片)，但因為落單時睇唔到，之後睇到又飽咗，所以無食到😭。蒜蓉燒鮮味大海蜆($42/份)，蜆肉真係幾大隻，有6隻，蒜蓉粒好好食😋，好惹味啊，但蜆可以熟多少少，overall無乜太大影響。燒蒜蓉粉絲特級蟶子($42/2隻)，蟶子大約一隻手指咁長啦，都幾新鮮。蒜蓉味同蜆一樣😂，仲有粉絲添。不過兩樣煮法一樣，可以叫一款就夠，再試下其他口味。頂級鹽燒多春魚($30/6條)，呢樣味道都ok，但始終都係平日酥炸咁整🐟，會脆啲好食啲。燒大雞髀($32/1隻)，🍗雞髀用木盤上幾吸睛，不過無想像中咁大隻。由於廚師界咗幾刀起雞髀肉，所似好易食同埋熟哂👍。燒泰國BB蘆筍($10/1串)，有5條到，幾好食幾嫩😙。燒惹味台灣腸($12/1條)，短短的，口感有丁點似香腸。燒豬頸肉($15/1串)、鹽燒白鱔魚($38/1
依晚出旺角行街，行行下經過砵蘭街聞到好香，原來有間串燒舖，見到有唔少人食緊。舖出面個二拉架show出嚟啲串燒都幾吸引，又唔貴，見都晚飯時間喇，就一於試下啦🤤。
餐牌食物多到一個點，串燒種類有海鮮、豬牛雞羊、蔬菜、丸類、燒魚等，另外仲有川式麻辣系列同主食添。花多眼亂，有幾款其實好想試(例如鵝肝多士同燒土豆片)，但因為落單時睇唔到，之後睇到又飽咗，所以無食到😭。
蒜蓉燒鮮味大海蜆
$42
13 浏览
0 赞好
0 留言
蒜蓉燒鮮味大海蜆($42/份)，蜆肉真係幾大隻，有6隻，蒜蓉粒好好食😋，好惹味啊，但蜆可以熟多少少，overall無乜太大影響。
燒蒜蓉粉絲特級蟶子($42/2隻)，蟶子大約一隻手指咁長啦，都幾新鮮。蒜蓉味同蜆一樣😂，仲有粉絲添。不過兩樣煮法一樣，可以叫一款就夠，再試下其他口味。
頂級鹽燒多春魚($30/6條)，呢樣味道都ok，但始終都係平日酥炸咁整🐟，會脆啲好食啲。
燒大雞髀($32/1隻)，🍗雞髀用木盤上幾吸睛，不過無想像中咁大隻。由於廚師界咗幾刀起雞髀肉，所似好易食同埋熟哂👍。
燒泰國BB蘆筍
$10
10 浏览
0 赞好
0 留言
燒泰國BB蘆筍($10/1串)，有5條到，幾好食幾嫩😙。
燒惹味台灣腸($12/1條)，短短的，口感有丁點似香腸。
燒豬頸肉($15/1串)、鹽燒白鱔魚($38/1串)同燒雞軟骨($10/1串)。🐷燒豬頸肉幾香口，但燒豬腩肉$18有3串，好似抵食啲。燒白鱔有3嚿，無骨的，魚肉都夠淋，但性價比相對低。雞軟骨就正正常常。
飲品要咗一罐可樂($8)同一枝Air Flash有汽果汁(🍇提子味)($15)，Openrice收藏就可以免咗罐可樂錢。有汽果汁幾好飲，唔錯，第日可以喺超市搵下嚟買。
總括嚟講，依間🍢港式串燒舖都ok嘅，價錢大眾化，款式多，口味可以揀辣度，小辣都唔辣的，用上孜然粉幾惹味，亦唔會變得重口味。有一個抵讚嘅地方就係呢到嘅串燒出餐竟然一啲都唔耐，就算肚餓都唔使驚，可以嚟食。餐廳環境普普通通，抽氣方面有改善嘅空間，我坐近門口就好啲。店員主要講普通話，幾好禮貌幾友善😊。
张贴
