馬德里餐廳

营业中

休息中

今日好想食港式午餐，於是就諗起呢間餐廳嘅鐵板餐，抵食又大份，於是就行過黎啦。餐廳都幾闊落，座位之間都有足夠空位，雖然午市已經坐滿9成人，但都唔會覺得太迫陝，唔會聞到隔離嘅“體香”。午餐選擇都唔少，仲有湯同飲品，價錢都幾抵食㗎。羅宋湯，都好足料，唔係得湯水咁稀，味道都幾夠味，比平時飲嘅餐湯有驚喜。鐵板肉眼牛扒拼牛舌澆上燒汁，鐵板發出“滋滋”聲響，香味即時湧上來，非常吸引。有2大塊厚切牛舌，一切下去非常軟稔，外層微焦，內裏還保持了肉汁，非常出色。薯條炸得香脆。鐵板肉眼牛扒鐵板牛扒比較薄身，比order嘅5成熟過熟了一些。不過黑椒汁味道濃厚，可以提升牛肉嘅風味。跟餐涷檸檬茶，炎熱夏天，解暑一流。餐廳坐得自在，食物抵食，想要回味港式鐵板餐是不錯嘅選擇 。