影片
更多
2022-08-04
37 浏览
放工喺元朗廣場巴士總站落車，餓到一個點 落車即刻搵嘢食，餓起上嚟先發現原來開咗間叫小賣部嘅小食店，一於買外賣返屋企同屋企人慢慢享用。小店所提供嘅全部都係港式街頭美食，美食選擇多，而且價格相宜，只是小吃也能吃得滿足！招牌狗仔粉$34 用左冬菇 蝦米 雞淆製湯底，麵條形狀與狗的尾巴相似，所以叫做狗仔粉。 一個好湯底真係可以提升成碗麵嘅質素，食狗仔粉一定要加辣菜脯，成個口感同味道會更昇華，真心覺得好好食，夠香夠濃味啱曬我。招牌炸雞髀$28/隻 拎到返屋企仲係熱㗎，即叫即炸夠曬新鮮，雞髀好大隻，個皮炸到脆卜卜，啖啖肉。台式鹽酥雞$28 炸到脆卜卜，好香口，送啤酒一流，最怕食鹽酥雞食到成口粉，這款恰到好處，粉漿夠薄，細細粒，一啖一口。粟米墨魚餅$20/三件 口感都幾彈，帶有墨魚鮮味，間唔中咬到粒粒粟米，多重口感。蒜蓉香辣雞翼尖$34 蒜香味很濃 唔會辣到食唔到 佢個辣味係慢慢湧出來的 有種令人愈食愈想食嘅感覺。日本和風套餐$52 紫菜和風小丸子 拼芝麻醬撈烏冬，仲有飲品送，好低食!烏冬拎到返屋企都唔會變咗一團麵糊，依然條條分明，凍烏冬配麻醬真係最佳配搭，夏天食真係好舒服。日本和風小丸子，我一個人
小店所提供嘅全部都係港式街頭美食，美食選擇多，而且價格相宜，只是小吃也能吃得滿足！
招牌狗仔粉$34 用左冬菇 蝦米 雞淆製湯底，麵條形狀與狗的尾巴相似，所以叫做狗仔粉。 一個好湯底真係可以提升成碗麵嘅質素，食狗仔粉一定要加辣菜脯，成個口感同味道會更昇華，真心覺得好好食，夠香夠濃味啱曬我。
招牌炸雞髀$28/隻 拎到返屋企仲係熱㗎，即叫即炸夠曬新鮮，雞髀好大隻，個皮炸到脆卜卜，啖啖肉。
台式鹽酥雞$28 炸到脆卜卜，好香口，送啤酒一流，最怕食鹽酥雞食到成口粉，這款恰到好處，粉漿夠薄，細細粒，一啖一口。
粟米墨魚餅$20/三件 口感都幾彈，帶有墨魚鮮味，間唔中咬到粒粒粟米，多重口感。
蒜蓉香辣雞翼尖$34 蒜香味很濃 唔會辣到食唔到 佢個辣味係慢慢湧出來的 有種令人愈食愈想食嘅感覺。
日本和風套餐$52 紫菜和風小丸子 拼芝麻醬撈烏冬，仲有飲品送，好低食!
烏冬拎到返屋企都唔會變咗一團麵糊，依然條條分明，凍烏冬配麻醬真係最佳配搭，夏天食真係好舒服。
日本和風小丸子，我一個人可以食好多粒，所以額外追加咗一份，熱辣辣新鮮出爐嘅時候即刻食咗粒，外脆內軟，原味好吃，下次有機會試下蟹仔口味或者黑松露口味。
疫情之下真係少咗好多出街食飯，樣樣都買啲，款款都想食，結果買到成枱都係嘢食，食得是福，開心最重要。
张贴
