影片
更多
2019-07-18
48 浏览
#中環茶記 (中環)中環威靈頓66號裕榮大廈地舖-----星期日同屋企人出街街搵地方食晚餐 路過呢間中環茶記 中意食中餐嘅Daddy睇到佢地Menu有好多小菜 就心郁郁話想試下😛-羅漢粗齋煲 （$78）材料豐富 有茄子 西蘭花 菜花 腐竹 白菜 粉絲 豆卜等等 南乳味濃得黎唔鹹 食得多都唔覺得膩 粉絲索曬南乳汁嘅獨特香味 非常滋味🥬-魚農小炒皇（$88）材料有銀魚乾 腰果 大蝦乾 紅椒絲 韭菜花 稍稍油身左少少 不過可以接受 調味主要用XO醬為主 帶微微辣 有鑊氣 幾惹味 好適合配白飯🍚-美極大蝦（$108) 一上檯就已經聞到濃郁美極香味 令人食指大動 大頭蝦外殼又薄又香脆 脆到口感有d似越式紙米卷嘅外皮 蝦頭有好多蝦膏 中間嘅大蝦亦新鮮 🦐咖喱牛腩蔥油餅 （$78）咖喱味道香濃稠身 牛腩未算軟腍 但亦唔難咬 肉質較瘦 如果多少少脂肪同筋位會更好 有趣嘅係呢碟餸嘅薯仔好少 牛腩好多🤣（雖然B仔好中意食薯仔 但不得不說佢真係幾足料）另外 蔥油餅香酥得黎唔太油膩 點咖喱食很不錯～-福建炒飯（$78）入面有叉燒 蝦仁 芥蘭片 火腿 雞肉 冬菇 草菇等等 料好足 雖然唔係咩貴價材料 但一樣可
中環威靈頓66號裕榮大廈地舖
-----
星期日同屋企人出街街搵地方食晚餐 路過呢間中環茶記 中意食中餐嘅Daddy睇到佢地Menu有好多小菜 就心郁郁話想試下😛
-
羅漢粗齋煲 （$78）材料豐富 有茄子 西蘭花 菜花 腐竹 白菜 粉絲 豆卜等等 南乳味濃得黎唔鹹 食得多都唔覺得膩 粉絲索曬南乳汁嘅獨特香味 非常滋味🥬
-
魚農小炒皇（$88）材料有銀魚乾 腰果 大蝦乾 紅椒絲 韭菜花 稍稍油身左少少 不過可以接受 調味主要用XO醬為主 帶微微辣 有鑊氣 幾惹味 好適合配白飯🍚
-
美極大蝦（$108) 一上檯就已經聞到濃郁美極香味 令人食指大動 大頭蝦外殼又薄又香脆 脆到口感有d似越式紙米卷嘅外皮 蝦頭有好多蝦膏 中間嘅大蝦亦新鮮 🦐
咖喱牛腩蔥油餅 （$78）咖喱味道香濃稠身 牛腩未算軟腍 但亦唔難咬 肉質較瘦 如果多少少脂肪同筋位會更好 有趣嘅係呢碟餸嘅薯仔好少 牛腩好多🤣（雖然B仔好中意食薯仔 但不得不說佢真係幾足料）另外 蔥油餅香酥得黎唔太油膩 點咖喱食很不錯～
-
福建炒飯（$78）入面有叉燒 蝦仁 芥蘭片 火腿 雞肉 冬菇 草菇等等 料好足 雖然唔係咩貴價材料 但一樣可以令人食唔停口 炒飯飯底落左好多蛋炒 啖啖都蛋香滿滿🥚
-
招牌凍奶茶（$22）茶味濃郁而不苦澀 但原味偏甜 最好叫少甜呢～😛
-
是日例湯（叫任何小菜加$10）通常茶餐廳例湯都係hea野 所以當碗湯上檯嘅時候 大家都忍唔住哇出黎😱碗湯好大碗 好多湯料 有冬瓜 紅蘿蔔 南北杏 肉排等等 味道非常清甜 好明顯無味精 亦無落好多鹽 水準超越普通茶餐廳
-
龍鳳檸樂-鹹清檸配可樂 鹹味同清新檸味解左可樂甜膩感 夏天飲好爽🤤
-----
👶🏻B仔整體評價：7.75/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
（家常小菜選擇頗多）
-----
#swallowhongkong
跟住我一齊吞食香港啦！🤤
#swallowcentral
张贴
