芝加哥串燒酒場 (太和中心)

今年入秋後第一次去咗大埔行山，行完想搵返啲好嘢食補充體力，見到呢間酒吧除咗酒之外仲有串燒食就去試試。一嚟先嗌杯黑啤飲，夠凍飲落清涼好爽！鹽燒牛舌心 - 塊塊都好厚身，咬落韌韌地好有嚼勁。一口和牛串 - 一串有四粒，肉質嫩滑好juicy。風味燒雞腎串 - 咬落唔韌仲好爽口。香蔥燒半殼扇貝 - 啖啖肉，味道好鮮甜。招牌茄子燒 - 火候燒得唔會太過乾身，加咗大量蔥花，食落味道更香。燒牛油帆立貝 - 牛油味好濃好入味。蘆筍燒 - 細細條易入口，清新爽脆。碳燒牛扒 - 燒到約五成熟中間仲係粉紅色，肉質嫩滑有牛味。鹽燒雞翼 - 外皮香脆，味道咸咸地唔錯。鹽燒鮮白鱔串 - 魚肉爽口彈牙，但有點多骨。