夢工房西日料理 (已結業)

食放題一定要款式夠多， 發現到一間夢工房西日料理， 價錢夠平民， 除咗日式料理之外更有港式火鍋， 一次過滿足曬唔同人嘅需求， 星期一至四 七點前入席158蚊， 加蠔蟹任食每人$98, 鍾意食蠔蟹嘅人可以考慮下。 我最鍾意影呢度嘅甜品同雪糕選擇夠多又夠特別。 依度仲有生日折扣， 生日嚟食仲有八折㗎,  如果對食只睇價錢， 呢度絕對適合大家。基本刺身、壽司、小食沙律、串燒、燒物、揚物、 一品料理、天婦羅、扒類及火鍋配料款式都唔少，任君選擇。男主角當然係加咗98蚊嘅任食蠔蟹啦， 朋友唔鍾意食蟹， 嫌剝殼 麻煩， 所以我哋主打係食生蠔， 但呢到 每次 order 生蠔有限 數量提供， 限定每人每次最多可點兩隻， 我哋兩個人每次最多可以點四隻， 想食多啲就勤力啲叫多幾round。 生蠔基本上屬於細隻嘅品種， 海水味及礦物質味唔算太濃郁， 但分量少少一啖一口， 唔覺唔覺可以食多啲。壽司基本上都size 係適中嘅， 特別想推介下黑松露帶子壽司， 佢個黑松露好香， 連埋帶子食入口會食到少少黑松露嘅鹹香味。刺身雙面 ，都係新鮮嘅， 雖然唔會唔會切到好厚但都識中嘅。 別推介呢度嘅甜蝦刺身，真係好鮮甜多汁。