時新漢堡飽 (已結業)

朋友一直話想食呢間漢堡～我就唔明點解佢咁想食，所以今次去開紅磡食嘢就順便陪佢食吓～餐廳環境感覺好似大家樂咁～價錢唔貴，我哋叫咗個下午茶嚟試～單層漢堡芝士蛋包拼炸薯條睇落好簡單～但原來都幾好味喎～麵包係用嘉頓嘅麵包，好軟熟～啲醬好好味～加埋煎蛋同芝士感覺好港式～但又好好味～細細個唔會食到好飽，下午茶食佢啱啱好呀～薯條雖然係我鍾意食嘅波浪薯條～但係好快林咗～有啲油，好可惜～可能我掛住影相搞到林咗掛...建議大家如果想薯條好食啲就即刻食啦～整體嚟講都幾好食吖～可以一試啊～