影片
更多
2023-08-07
17 浏览
呢間餐廳主打滷水車仔麵，好似港式車仔麵咁，任君選擇可以自己揀餸，幾特別！餐廳裝修有啲Cafe，主要都係以木系為主，有啲開放座位可以望住出面條街，坐得都幾舒服～有時想食麵，呢間都係一個唔錯嘅選擇！小店仲有出自家製嘅麻辣油同蒜辣醬，鍾意食嘅朋友仔都可以帶返幾樽返屋企，加落啲麵食嗰度一流！------------------------------🍜◖自選五拼撈麵◗ $91佢有好多滷水嘅餸可以揀，再揀個麵底，今次揀咗牛筋、金錢肚、豬大腸、蘿蔔同豆腐，另外加咗$10要雞翼，同埋$10要多三粒炸燒賣，麵底就要咗脆米，好足料勁大碗！牛類同埋大腸都滷得幾入味，米粉好爽脆，但覺得成碗嘢滷水嘅味道唔太出，要加少少佢嘅辣蒜醬先夠味～加嘅嗰個炸燒賣幾出色，外面加咗啲辣味調味粉，外脆內軟，裏面煙煙韌韌咁！🐓◖麻醬雞絲粉皮◗ $52佢個粉皮晶瑩剔透，大大份咁，粉皮好煙韌彈牙，撈埋個麻醬，再加入小店嘅秘製嘅蒜辣醬，好惹味！🍋◖凍檸茶◗ 跟餐+$4佢個茶底比坊間嘅更濃，但飲落唔覺澀～🌟Encore指數：8/10
小店仲有出自家製嘅麻辣油同蒜辣醬，鍾意食嘅朋友仔都可以帶返幾樽返屋企，加落啲麵食嗰度一流！
------------------------------
🍜◖自選五拼撈麵◗ $91
佢有好多滷水嘅餸可以揀，再揀個麵底，今次揀咗牛筋、金錢肚、豬大腸、蘿蔔同豆腐，另外加咗$10要雞翼，同埋$10要多三粒炸燒賣，麵底就要咗脆米，好足料勁大碗！牛類同埋大腸都滷得幾入味，米粉好爽脆，但覺得成碗嘢滷水嘅味道唔太出，要加少少佢嘅辣蒜醬先夠味～加嘅嗰個炸燒賣幾出色，外面加咗啲辣味調味粉，外脆內軟，裏面煙煙韌韌咁！
🐓◖麻醬雞絲粉皮◗ $52
佢個粉皮晶瑩剔透，大大份咁，粉皮好煙韌彈牙，撈埋個麻醬，再加入小店嘅秘製嘅蒜辣醬，好惹味！
🍋◖凍檸茶◗ 跟餐+$4
佢個茶底比坊間嘅更濃，但飲落唔覺澀～
🌟Encore指數：8/10
张贴
