影片
更多
2025-04-08
63 浏览
簡單而又懷舊嘅味道再加入馬來風情元素，都幾吸引。餐廳設計簡潔，內部環境乾淨企理，雖然面積唔大，但擺設得宜，令空間感唔會覺得太擠迫。🥣鮮蝦胡椒湯 ($40)非常濃郁嘅胡椒香氣，味道上胡椒味非常突出，一碗湯飲到尾，湯底仍然保持濃香，暖胃又滿足。蝦有四隻，份量唔算少，而且新鮮得嚟易剝殼。🍜叉燒豬油撈麵 ($45)可以揀麻辣撈或豉油撈。油麵加咗豬油，拌勻之後有小許香味，入口滑溜，另外再加小小辣椒油更加提味，令整體層次更加豐富。叉燒軟腍，肥瘦比例啱啱好。個人覺得豬油再多小小就更正。🍚香煎脆邊蛋肉餅飯 ($42)煎蛋狀態剛剛好，蛋邊脆口蛋黃流心，拌飯一流。白飯再淋上少許甜鼓油，已經好夠味，就算冇配菜都可以食得津津有味。至於肉餅，質地較軟腍，味道唔錯，但如果煎得再脆身啲會更加完美。🍖招牌炸雞翼 ($27)雞翼外皮脆卜卜，入口香脆得嚟唔會覺得油膩，內裡雞肉仍然嫩滑，調味簡單但唔失香口。🧋樽仔奶茶 ($25)奶茶香濃順滑，茶底味道突出，味道偏甜但入口有種濃厚嘅懷舊香港茶餐廳feel，值得一試。☕樽仔咖啡（班蘭）($25)帶有淡淡班蘭葉嘅香氣，咖啡香味相對濃烈，甜度適中。（如果將樽仔奶茶同班蘭咖啡混埋一齊
簡單而又懷舊嘅味道再加入馬來風情元素，都幾吸引。餐廳設計簡潔，內部環境乾淨企理，雖然面積唔大，但擺設得宜，令空間感唔會覺得太擠迫。
🥣鮮蝦胡椒湯 ($40)
非常濃郁嘅胡椒香氣，味道上胡椒味非常突出，一碗湯飲到尾，湯底仍然保持濃香，暖胃又滿足。蝦有四隻，份量唔算少，而且新鮮得嚟易剝殼。
🍜叉燒豬油撈麵 ($45)
可以揀麻辣撈或豉油撈。油麵加咗豬油，拌勻之後有小許香味，入口滑溜，另外再加小小辣椒油更加提味，令整體層次更加豐富。叉燒軟腍，肥瘦比例啱啱好。個人覺得豬油再多小小就更正。
🍚香煎脆邊蛋肉餅飯 ($42)
煎蛋狀態剛剛好，蛋邊脆口蛋黃流心，拌飯一流。白飯再淋上少許甜鼓油，已經好夠味，就算冇配菜都可以食得津津有味。至於肉餅，質地較軟腍，味道唔錯，但如果煎得再脆身啲會更加完美。
🍖招牌炸雞翼 ($27)
雞翼外皮脆卜卜，入口香脆得嚟唔會覺得油膩，內裡雞肉仍然嫩滑，調味簡單但唔失香口。
🧋樽仔奶茶 ($25)
奶茶香濃順滑，茶底味道突出，味道偏甜但入口有種濃厚嘅懷舊香港茶餐廳feel，值得一試。
☕樽仔咖啡（班蘭）($25)
帶有淡淡班蘭葉嘅香氣，咖啡香味相對濃烈，甜度適中。（如果將樽仔奶茶同班蘭咖啡混埋一齊飲，會有泰式奶茶嘅味道，算係意外驚喜）
總結：
「兩草」價錢合理，味道亦不錯。食物款式簡單而有心思，值得再訪。
张贴
