吃扒 (已結業)

剛去完日本旅行返黎，食咗好多日日本嘢，有d掛住香港美食。今晚去旺角行街兼食港式西餐，既有港式味道又可以食西餐。一人一個餐share 再另加一個凱撒沙律。我哋兩個餐都加咗$25轉做套餐，套餐包括左餐包，羅宋湯，飲品同埋甜品。凱撒沙律沙律菜份量多而且新鮮爽脆，而且芝士粉，煙肉脆脆同麵包糠好足料，用嚟做前菜非常唔錯。辣蕃茄大蝦意大利麵蕃茄味香濃，微辣惹味。好多隻蝦，d蝦都好大隻爽口，連同d菇菌三色椒一齊食，個pasta 啖啖都咁好味。吃扒雜扒鐵板配薯菜雜扒咩都有唔駛諗食乜，塊牛扒都算厚，其他魚扒豬扒雞扒同司華力腸腸都好有份量，海陸空齊哂，認真抵食。D扒調味得幾好，好入味，魚扒好滑，豬扒亦唔會嚡口，雞扒雞皮香脆。另外，黑椒汁惹味，唔會太咸，蘸薯條食好正。另外，餐廳氣氛好好，燈光柔和，加上播d我哋少年年代嘅歌，王菲、鄭伊健、Twins、古巨基etc，邊食邊聽，食得好開心。