品臻

今次喺新蒲崗發現呢間小店「品臻」，主打港式小食配手搖飲品，絕對係平民價錢嘅高質享受！

🧇招牌榛子醬格仔餅即叫即整，厚身鬆軟，外脆內軟，內裡熱辣辣
🍢蒸燒賣粒粒脹卜卜，魚肉彈牙有嚼勁；椒鹽燒賣炸到金黃香脆，灑滿椒鹽粉，鹹香惹味，食到停唔到口

飲品驚喜十足，🥭芒芒特濃鮮奶+寒天真係勁濃郁！滿滿芒果肉同寒天，口感豐富，不過甜度稍高，下次記得叫少甜。🍊百香果香橙綠茶就清新解膩，酸甜比例啱啱好，夏天飲超爽！仲有佢哋嘅芋圓甜品系列，睇落好吸引，下次一定要試～

小店雖然唔起眼，但食物質素同份量都誠意十足！

1