小小食掂 (已結業)

港式小食店👍


今日突然想食啲港式小食，近近地去咗筲箕灣買返屋企嘆。


位置係筲箕灣地鐵站b出口，一出就見到，就係一間人龍雞蛋仔舖頭隔離。


最近食多咗外賣，覺得有啲唔環保，所以自己帶咗個食物盒去裝。但係去到發現鋪頭食物款式好豐富，叫左好多野，一個盒都唔夠。


港式小食我最鍾意食碗仔翅，可惜佢哋今日冇買，就轉咗叫另一港式小食生菜魚肉。


仲點咗炸魷魚絲、炸雞軟骨、芝士煙肉釀雞翼及鹵水紅腸等小吃。


一定要試下呢度嘅招牌菜手撕雞腸粉，超好味，雞絲又香又滑，腸粉勁多醬，食到停唔到口。